ഭയങ്കര കാമുകന്
+++++++++++++++++
ഭയങ്കര കാമുകനാണ് ഞാന്,
നെഞ്ചിന് കൂട് തകരുംപോലെ
അമര്ത്തി പുണരും,
ചോര പൊടിയും വരെ
ചുണ്ടുകളിലമര്ത്തി ചുംബിക്കും,
പുറം വടിവുകളില് പിക്കാസോ
ചിത്രങ്ങള് വരയും,
പ്രണയലേഖനങ്ങളുടെ
മലവെള്ളപാച്ചില് തീര്ക്കും,
ഉറക്കാതെ തഴുകി
ഉണര്ത്തികൊണ്ടേയിരിക്കും,
ഒരു നിമിഷം പോലും പിരിയാതെ
മുടിയിഴകളില് പേന് നോക്കിയിരിക്കും,
എല്ലാ ദൃഷ്ടികളില് നിന്നുമൊളിപ്പിക്കും,
എന്റേതു മാത്രമാക്കി വയ്ക്കും
എന്റേതു മാത്രം....
അതുകൊണ്ടാവാം കോടതി
മുറിക്കുള്ളില് അവളെന്നെ
ഭീകരനെന്ന് വിളിച്ചത്..........
No comments:
Post a Comment