കവി

കവി 

===

കവിത 

ദര്‍പ്പണം മാത്രമല്ല 

ദര്‍ശനവുമാകണം 

കവിത 

മഴമാത്രമല്ല 

ജലവുമാകണം 

കവിത 

നേര്‍ക്കഴ്ചകള്‍ മാത്രമല്ല 

അകകാഴ്ച്ചകളുമാകണം 

കവിത

പുഴമാത്രമല്ല 

ഒഴുക്കുമാകണം 

കവിത

പ്രാര്‍ത്ഥനമാത്രമല്ല 

പ്രസാദവുമാകണം 

കവിത

പ്രണയവും വിരഹവും മാത്രമല്ല 

മാനസാന്തരങ്ങളുമാകണം 

കവിത

ഗൃഹാതുരത്വം മാത്രമല്ല 

സ്വപ്നങ്ങളുമാകണം 

മനുജനും 

മരുഭൂമിയും 

മലകളും 

മരങ്ങളും മാത്രമല്ല 

കവിത

കവിത എല്ലാമാണ് 

എല്ലാം കവിതയും 

കവിയോ ....?

കവിതയാകണം 

വൈശേഷികം

വൈശേഷികം
===========
അവനെ കാണാന്‍ എനിക്ക്
സഞ്ചരിക്കേണ്ടത് കണ്ണുകള്‍
കൊണ്ടല്ല -ചിന്തകളിലൂടെയാണ്
സങ്കല്പനങ്ങളിലൂടെയാണ്

യാത്രയോ..ഒരു തരി പൊടിയുടെ
ആയിരത്തിലോരംശത്തിലെക്കും

അവന്‍ അവിടെയുണ്ടന്നാ
ണവര്‍ പറയുന്നത്
പറഞ്ഞതൊക്കെ പിന്നീടവർ
മാറ്റി പറഞ്ഞിട്ടുമുണ്ട്

അറിയില്ല
അറിവില്ലായ്മയുടെ
അളവുകോലാണവന്‍

എന്തായാലും യാത്ര തുടരുകയാണ്

കാരിരിമ്പിന്റെ കഠിനതയില്ലും
കരളിനിന്റെ സരളതയിലും
അവന്‍ നിലനിക്കുന്നു

താപമാനങ്ങളില്‍
ഹിമമായി..ജലമായി
ബാഷ്പകണമായി
അവന്റെ വേഷപകര്‍ചകള്‍

മൊഴിയുടെ ആഴങ്ങളില്‍
കാഴ്ച്ചയുടെ വെട്ടങ്ങളില്‍
ശബ്ദമായി ...വെളിച്ചമായി
അവന്റെ തരംഗകളിയാട്ടം

ചക്രവാളങ്ങള്‍ക്കപ്പുറമുള്ള
ശൂന്യതയില്‍ ശുദ്ധശൂന്യ
തയായി അവനുണ്ട്

അസ്തിത്വതിനപ്പുറം
അനിശ്ചിതത്വമാണ് നീ

നിഗൂഡതയിലെ ഗുപ്ത
സാന്നിധ്യമാണ് നീ

താണ്ഡവങ്ങളിലെ
ഉറഞ്ഞുതുള്ളുന്ന സര്‍വ്വ
സംഹാരോര്‍ജ്ജമാണ് നീ

കാലത്തിന്റെ ദേശത്തിന്റെ
ഗതീയതയുടെ അതിവിദൂര
സൂക്ഷ്മതയില്‍ നീ വസിക്കുന്നെന്നു
അവര്‍ പറയുന്നു

അവര്‍ പറഞ്ഞതൊക്കെ
മാറ്റി പറഞ്ഞിട്ടുമുണ്ട്

നെറുകയ്ക്കുള്ളിലെ ഒരുപിടി
ചോറിന്റെ മായകാഴ്ചയാണു
കൂട്ടുകാരാ നീയും ഞാനും

അത് നീയാകുന്നു
ഞാനും അതാകുന്നു *
ഈ കൂടിചേരലില്‍ നമ്മുടെ
യാത്രയും അവസാനിക്കട്ടെ

(*തത്ത്വമസി

പനി

പനി 

====

താപമാപിനിയില്‍ രസം 

കുതിച്ചുയരുന്നു ,

നെറ്റിത്തടം ചുട്ടുപൊള്ളുന്നു ,

ഉള്ളില്‍ കിടുങ്ങുന്ന 

കുളിര് '

വിറയ്ക്കുന്ന വിരലുകള്‍ 

കിതയ്ക്കുന്ന ശ്വാസം ,

കഫം നുലവായി 

തുപ്പുന്നു 

തളരുന്നു ദേഹം 

'കുടിക്കാന്‍ ചുക്കുവെള്ളം 

     കരുതണം ,

താങ്ങായി, മരുന്നരികില്‍

    വെയ്കണം ,

തണലായി നീയരുകില്‍ 

      നില്കണം ,

ദേഹി തളരാതിരിക്കണം ...

കുറ്റവും ശിക്ഷയും

കുറ്റവും  ശിക്ഷയും 

=============

യാത്രകള്‍ ആകസ്മികങ്ങളാണ് 

വഴിതെറ്റലുകളും 

കൂട്ടംതെറ്റി മേയുന്നത് 

അശ്രദ്ധയല്ല 

അനിവാര്യതയാണ് 

നൂല് പൊട്ടി പോയ 

   പട്ടവും 

കാറ്റിലണഞ്ഞു  പോയ 

  ചെരാതും 

തെറ്റു ചെയ്തവരല്ല 

വെറുതെ ശിക്ഷിക്കപെട്ടവരാണ് 

മഴയെത്ത്

മഴയെത്ത് 

---------------

മഴ തരുന്നത് 

വെള്ളവും കുളിരും 

മാത്രമല്ല 

'നമ്മളെ തന്നെയാണ് '

മഴയൊരു പുനര്‍ജനിയാണ് 

എന്തൊക്കയോ കഴുകി

കളഞ്ഞൊരു പുനര്‍ന്നവം 

മഴനൂലുകള്‍ കാഴ്ച്ചയെ 

മറയ്ക്കുമ്പോള്‍ 

ഉള്ളകമാണ് തെളിയുന്നത് 

അറിയാതെ പിന്നില്‍ 

നിന്നൊരു പുണരല്‍ പോലെ

 

കുളിരുള്ള കൈകൊണ്ട് 

മഴ കണ്ണ്  പൊത്തുമ്പോള്‍  

ഉള്ളിലൊരു 

നിലവിളക്ക് കത്ത്തിച്ചപോലെ 

 

മഴ തരുന്നത് നമ്മളെയാണ് 

മഴയെത്തു നനയുന്നതും 

നമ്മളാണ് 

സ്മരണ

സ്മരണ 

------------

മണ്ണിന്റെ മണമുള്ള അച്ഛന്‍ 

മണ്ണായി മാറിയെന്റെച്ച്ഛന്‍ 

മഴയുടെ താളമുള്ള അച്ഛന്‍ 

മഴയായി പെയ്യുന്നിതച്ച്ഛ്ന്‍ 

അറിവാണ്  ധനമെന്നു അഛന്‍ 

ധനമെല്ലാം അറിവാക്കിയെന്നച്ച്ഛന്‍ 

കരള്‍ നിറയെ കനിവുള്ള അഛന്‍ 

കരള്‍ പോയി കനവറ്റരെൻ അച്ച്ഛന്‍ 

വഴികാട്ടി തന്നതെന്നച്ച്ഛന്‍ 

വഴിയായി മാറിയതുമച്ച്ഛന്‍

ഉല്‍പത്തി

ഉല്‍പത്തി 

---------------

മഴയില്ലാ സംവത്സരങ്ങൾക്കു 

അറുതിയായി ഒരു നാള്‍ 

മഴ വന്നപ്പോള്‍ 

വര്‍ഷ  ബിന്ദുക്കളോടാരോ 

ചോദിച്ചു 

'നിങ്ങളെവിടുന്നാണ്  വരുന്നതെന്ന്? '

കര്‍മ്മത്തിന്റെ ധന്യത

-യോര്‍ത്തവർ പറഞ്ഞു 

'സ്വർഗ്ഗതീന്നു '

മണ്ണിന്റെയടിപ്പാളികളിൽ 

നിന്ന് കിതച്ച്ചെത്തിയ 

മണ്ണിരയോടാരോ 

ചോദിച്ചു 

'നീയെവിടുന്നാണ്  വരുന്നതെന്ന് ?'

വേലയുടെ മടുപ്പില്‍ അവന്‍ 

പറഞ്ഞു 

'നരകതീന്ന് '

അങ്ങനെ സ്വർഗ്ഗം മുകളിലും 

നരകം താഴയുമെന്ന 

നിത്യ സത്യം നിലവിൽ വന്നു