മുൻകൂർ ജാമ്യം

മുൻകൂർ ജാമ്യം
◾◾◾◾◾

ശ്രദ്ധിച്ചുകൊൾക..
കെട്ടകാലത്തിന്റെ
കെട്ടുകാഴ്ച്ചകൾക്കിടയിൽ,
വിദൂര സ്ഥലരാശികളിൽ നിന്ന്
ടെലിപ്പതി പോലൊരു കവിത,
ശിരോകോശങ്ങളിലൂടെ
അതീന്ദ്രീയതയുടെ ചിറകൊതുക്കി
കടലാസ്സിലേക്കു പറന്നിറങ്ങാം!
ശവത്തിൽ കുത്തി ശീലിച്ചവർക്കത്
കാഴ്ച്ചയുടെ വെറും നേരമ്പോക്കാകാം.
വേട്ടകാരന്റെ വെടിവെട്ടമാകാം..
അതുകൊണ്ട് കവീ,
എഴുതുന്നതിനു മുൻപൊരൂ
മുൻകൂർ ജാമ്യമെടുത്തുവെച്ചേക്കുക.
നീയെഴുതുന്നതൊരുപക്ഷേ
പ്രവചനങ്ങളാകാം, നീയൊരു
പ്രവാചകനും!
എഴുത്തിന്റെ പേരിൽ
കുറ്റാരോപിതനാവാം,കുറ്റക്കാരനും !
തലപോയവരുടെ ഉടലളക്കുന്നവർക്ക്,
ശിഷ്ടകാലം കരയുന്ന
കുഞ്ഞുങ്ങൾക്ക് കൂട്ടിരിക്കാൻ

ശിക്ഷവിധിക്കപ്പെട്ടവന്റെ നമസ്കാരം .......
DR:ANUP'S POETRY