മനുഷ്യദിനം

മനുഷ്യദിനം
===========
ഇന്നാണ് കൂട്ടരേ,
ലോക മനുഷ്യദിനം,
ദിനങ്ങളോരോന്നും
ആചരിപ്പാനായി
വീതിച്ചെടുത്തത്തില്‍
ശേഷിപ്പതീദിനം,
ആഘോഷമാക്കൂ
ആനന്ദമാക്കൂ.
തൊട്ടാലറയ്ക്കുന്ന
രോഗങ്ങളുള്ളോര്‍,
അനാഥരായി മണ്ണില്‍
വീണു ഭവിപ്പോര്‍,
ഉറ്റവരൂറ്റിക്കുടിച്ചു-
പേക്ഷിച്ചുപോയോര്‍,
പട്ടിണിമഴയിലാകെ
നനഞ്ഞു കുതിര്‍ന്നവര്‍,
ഏകിടാം നമ്മുക്കിവര്‍ക്കായി
ഒരു നുള്ള് സ്നേഹത്തിന്‍
ആശ്വാസ പൂക്കള്‍.....

അമ്മയെ വെട്ടുവോര്‍,
അച്ഛനെ കൊല്ലുവോര്‍,
ഒരു തുണ്ടു കടലാസിനായി
ഉടയോരെ വില്‍ക്കുവോര്‍,
വേരുകള്‍ വെട്ടി,കതിരില്‍
വളം വെയ്ക്കുവോര്‍.
മിഴി തുറന്നിടാം ,
ചെയ്തു പൊയിപോയ
പാപങ്ങള്‍ ഏറ്റുപറഞ്ഞീടാം.
കഴുകി കളഞ്ഞീടാം
കയ്യിലും,മെയ്യിലും
മനസ്സിലാകയും പുരണ്ട
കറകള്‍,പശ്ചാത്തപത്തോടെ !
പ്രതിജ്ഞയായി ചൊല്ലിടാമീ
ദിനം ,നമുക്കുടനീളം
ശീലിപ്പതിനായി .........
തല മറന്നെണ്ണ തേക്കാതിരിക്കാം,
വഴിവിട്ട യാത്രകള്‍
തുടരാതിരിക്കാം ,
വിശക്കുന്ന വയറിനൊരു -
പിടി വറ്റായി മാറാം,
തെറ്റുകള്‍ പറ്റാതിരിക്കാം,
അന്ന്യരെ പറ്റിക്കാതിരിക്കാം,
അറ്റുപോം ബന്ധങ്ങള്‍
വിളക്കി ചേര്‍ക്കാം ,
കാത്തിടാം ,പച്ചനിറഞ്ഞയീ
ഭൂമിയും,നീല പുഴകളും...
ഇന്നാണു കൂട്ടരേ
ലോക മാനവ ദിനം ,
ഇന്നെന്നു വെച്ചാല്‍ഇന്നാണ് ,
ഇന്നലെയുമല്ലതു നാളെയുമല്ല .
ആഘോഷമാക്കൂ ..
ആനന്ദമാകൂ ....