നാമ: കിം

നാമ: കിം
------------------------
1
നിലാവത്ത് നിലവിളിച്ച്ചുകൊണ്ട് 
ഓടിപ്പോയ പെണ്‍കുട്ടിയുടെ 
പേരറിയാമോ ? നീലാംബരി 
നീലിച്ച മനസ്സുകളുടെ നികൃഷ് ടതയില്‍
അംബരം(വസ്ത്രവും ആകാശവും)നഷ്ടപെട്ടവള്‍ 
2
കടല്‍ത്തീരത്തു കടന്നുപോയ 
കാലത്തിന്റെ കാറ്റ് ഏറ്റിരിക്കുമ്പോള്‍ 
കൈ നഷ്ടപ്പെട്ട ആണ്‍കുട്ടിയുടെ 
പേരറിയാമോ ? സുഭഗന്‍ 
സൌഭാഗ്യങ്ങളുടെ കൊവേണിയിലൂടെ 
കൈപിടിച്ചുയരങ്ങളിലേക്ക് 
ചേക്കേറുവാന്‍ വെമ്പുന്നവന്‍ 
3
ഹാലൊജന്‍ വിളക്കുകളുടെ 
പ്രകാശപ്രളയത്തില്‍ ചൂതാടി 
കൊണ്ടിരിക്കെ കണ്ണുകള്‍ 
നഷ്ടപ്പെട്ടവന്റെ 
പേരറിയാമോ ? പദ്മലോചനന്‍ 
കാഴ്ചയുടെ മിഥ്യയില്‍ 
സുഖിച്ചു പുളഞ്ഞു കളിക്കവേ 
താമരയിതളിന്റെ അലിപ്ത 
തത്ത്വങ്ങള്‍ മറന്നുകളഞ്ഞവന്‍ 
4
പേരിന്റെ പൊരുളുകള്‍ 
തിരഞ്ഞു നടന്ന 
'അനാമികയ്ക്ക് '
ബൗദ്ധികതയ്ക്കപ്പുറം തെളിഞ്ഞതോ 
നാമരൂപങ്ങളുടെ വിഭ്രമങ്ങള്‍ക്കതീതമായ 
'പുരുഷദര്‍ശനം *'

(പുരേ ശയതി ഇതി പുരുഷ: =ആത്മാവ്